Фото © Flickr/Clément Alloing
Hawaiian Airlines авиакомпаниясининг Лос-Анжелесдан Мауи оролига йўловчиларни етказиши керак бўлган йўловчи самолёти техник носозликлар сабабли бир кун ичида уч маротаба аэропортга қайтишига тўғри келди. Бу ҳақда Associated Press ахборот агентлиги хабар берди.
Бортида 200 дан кўпроқ йўловчи бўлган самолёт ҳавога икки марта кўтарилиб, сўнгра ортига қайтишига тўғри келган. Самолёт учинчи марта парвозга шайланаётганда парвозни тўхтатишга қарор қилинган. Шундан кейин рейс бекор қилинган.
Авиакомпания вакилининг айтишича, ҳар бир ҳолда бир-бири билан боғланмаган, турли тизимларнинг носозлиги қайд қилинган.
Йўловчиларга манзилга бошқа рейслар билан етиб олиш таклиф қилинган.
