НАТО Хитойнинг халқаро майдондаги фаоллигидан ташвишга тушмоқда

Фото: РИА Новости

НАТО Хитойнинг халқаро майдондаги фаоллигидан ташвишга тушмоқда, деди альянс бош котиби ўринбосари Роуз Гетемюллер.

"Ривожланаётган иқтисодий ва ҳарбий давлатлар, жумладан Хитой халқаро майдонда ўз фаоллигини оширмоқда", - деди у Норвегиядаги Атлантика қўмитасида чиқишида.

Унинг чиқиши ташкилот сайтида трансляция қилинган.

Аввалроқ Европа парламентида АҚШнинг Европа Иттифоқидаги доимий вакили Гордон Сондленд АҚШ Европа давлатларининг умумий армияни ташкил этиш режаси борасидаги позициялари бўйича кўпроқ аниқлик талаб қилаётганини айтганди. Унинг сўзларига кўра, бу армия НАТОнинг ўрнини эгаллаши керак эмас, балки унинг тўлдирувчиси бўлиши лозим.