НТВ телеканали Санкт-Петербургдаги Информацион технологиялар, механика ва оптика университетида (ИТМО) шифт қулаб тушиши акс этган видеолавҳани намойиш этди.
Ҳодиса бино ичида бўлган гувоҳлардан бири томонидан ёзиб олинган. Лавҳада девор ва шифтдан сувоқ кўчиши, сўнгра шифт қулаши акс этган.
Воқеа Ломоносов кўчасидаги 9-уйда юз берган.
Россия ФВВнинг маълум қилишича, ҳодиса оқибатида ҳеч ким жабрланмаган. Бинодан 81 киши эвакуация қилинган.
Мазкур воқеа юзасидан қурилиш ишларида хавфсизлик қоидаларининг бузилиши бўйча жиноят иши қўзғатилган.
