Ўзбекистон - Тожикистон чегарасида яна битта чегара пости очилади

Тожикистон ва Ўзбекистон ўртасидаги чегарада янги назорат-ўтказиш пункти пайдо бўлади. Бу ҳақда kant.kg Тожикистон парламенти матбуот хизматига асосан хабар қилмоқда.

Парламент қуйи палатаси йиғилишида депутатлар бир овоздан Ўзбекистон билан чегарада яна бир чегара постини очиш тўғрисидаги парламентлараро битимни ратификация қилишди.

Таъкидланишича, «Боботоғ» назорат-ўтказиш пункти Тожикистоннинг Ҳисори ва Ўзбекистоннинг Узунини боғлайди. Фақат икки чегара давлатнинг фуқаролари бу постдан ўтиши мумкин.

Маълумки, йигирма мингга яқин киши ҳар куни мамлакатлар ўртасидаги чегарани кесиб ўтади. Эслатиб ўтамиз, Тожикистоннинг Ўзбекистон билан чегараси бир минг уч юз километрни ташкил этади.