Давлат департаменти Ким Чен Иннинг ваъдаси ҳақида маълум қилди

АҚШ Давлат департаментининг юқори мартабали вакили маълум қилишича, Шимолий Корея етакчиси Ким Чен Ин Жанубий Корея президенти Мун Чжэ Инга КХДР Сохэ ракета полигонини йўқ қилиши ҳамда у ерга халқаро инспекторларнинг киришига имкон яратиши тўғрисида ваъда берган. Вакилнинг сўзлари РИА «Новости» томонидан келтирилди.

Қайд этилишича, Пхеньяндаги саммит вақтида Ким Чен Ин шундай ваъда берган.

«Шунингдек, Ким Чен Ин Шимолий Корея бу объектни йўқ қилиш ниятида экани ва халқаро инспекторларнинг у ерга киришига рухсат бермоқчилиги тўғрисида алоҳида маълум қилди», - дея қўшимча қилиб ўтган вакил.

Эслатиб ўтамиз, аввалроқ АҚШ КХДРга қарши санкциялар эҳтимоли ҳақида маълум қилганди.