Роналду дисквалификациядан қутулиб қолди

«Ювентус» ҳужумчиси Криштиану Роналду Чемпионлар Лигасидан ўрин олган «Атлетико»га (3:0) қарши ўйиндаги нолойиқ қилиғи учун жазоланмайдиган бўлди.

34 ёшли футболчи учинчи голни урганидан сўнг, мухлисларга қарата уятсиз ишорани қилган эди. Аввалроқ, мадридликлар бош мураббийи Диего Симеоне худди шу хатти-ҳаракати учун УЕФА томонидан 20 минг евро миқдорида жаримага тортилган эди.

УЕФА интизом қўмитаси Роналдуни дисквалификация қилмади ва худди Симеоне каби 20 минг евро миқдорида жаримага тортди.

Натижада, футболчи Чемпионлар Лигаси 1/4 финалидан ўрин олган «Аякс»га қарши ўйинда майдонга тушиш ҳуқуқини сақлаб қолди.