АҚШ Хитой компанияларига қарши санкциялар киритди 

АҚШ Шимолий Корея атрофидаги вазият сабабли Хитойнинг иккита транспорт компаниясига қарши санкциялар киритди. Бу ҳақда АҚШ молия вазирлиги баёнотида маълум қилинган.

Таъкидланишича, қора рўйхатга киритилган компаниялар БМТ Хавфсизлик кенгаши резолюцияларини бузган ҳолда Пхеньянга денгиз орқали юк ташишда, санкцияларни четлаб ўтишда ёрдам берган. 

Санкциялар рўйхатига киритилиш АҚШда активлар музлатилиши ва АҚШ фуқаролари ёки компанияларининг бу компаниялар билан бизнес олиб бориши тақиқланишини англатади.