Қозоғистонда яна учта шаҳар номини ўзгартириш таклиф этилди
Қозоғистоннинг “Ақ жол” партияси вакили мамлакатдаги яна учта шаҳар номини ўзгартириш таклифини билдирди. Жумладан, бу ташаббусни партия раиси ўринбосари Казбек Иса ҳам айтиб ўтган.
Таклифга кўра, Семей, Павлодар ва Петропавловск шаҳарлари Қозоғистоннинг буюк тарихий шахслари шарафига қайта номланиши керак.
“Петропавловскни хон Абилай исми билан, Павлодарни мустақиллик учун курашган Кенесар исми билан, Семейни эса Алихан Букайханов исми билан номлаш керак. Биз шундай тарзда давом эттиришимиз лозим”, деб айтган Иса “Қозоғистон-2050” демократик кучлари умуммиллий коалициясининг пойтахт Остонанинг қайта номланишини қўллаб-қувватлаш учун ўтказилган йиғилишида.
Иса ушбу таклиф шахсан у томондан билдирилаётганига эътибор қаратган.
“Бу менинг шахсий таклифим, кейинроқ уни партия фракцияси билан йиғилишда кўриб чиқамиз”, деб айтган Иса.
Қозоғистоннинг янги президенти Қосим-Жомарт Тоқаев 22 март куни пойтахт Остонани мамлакатнинг биринчи президенти Нурсултон Назарбоев шарафига Нур-Султон деб қайта номланиши ҳақидаги фармонни имзолаганди. Шунга кўра, энди Остона шаҳри Нур-Султон деб аталади.
Мавзуга оид
16:00 / 04.10.2024
Самарқандда Ўзбекистон ва Қозоғистон ҳудудлар раҳбарлари кенгаши учрашуви бўлиб ўтади
13:48 / 04.10.2024
Ўзбекистон ДХХ раиси Абдусалом Азизов Остонада МДҲ давлатларидаги ҳамкасблари билан учрашди
14:28 / 02.10.2024
Ислоҳотларни ҳаётга татбиқ этиш учун президентга 7 йил муддат етарли — Тўқаев
22:02 / 01.10.2024