Бразилия Венесуэлага бостириб киришда иштирок этиши мумкинлиги айтилди

Жаир Болсонару/Фото: REUTERS

Венесуэлага ҳарбий бостириб кириш ҳолатида Бразилия президенти Жаир Болсонару парламент билан ҳарбий ҳаракатларда иштирок этиш масаласи бўйича маслаҳатлашувлар ўтказишни режалаштирмоқда. Бу ҳақда “Интерфакс” ахборот агентлиги хабар берди.

Болсонару журналистларнинг саволларига жавоб бериш вақтида Венесуэланинг “янги Куба ёки Шимолий Кореяга айланишининг” олдини олиш лозимлигини таъкидлаб ўтган.

Бундан ташқари, Болсонарунинг таъкидлашича, ҳозир Бразилия АҚШ билан бирга Венесуэла армиясида нифоқ солиш бўйича ишлар олиб бормоқда.

Шу билан бирга Бразилия етакчисининг айтишича, агар Венесуэла президенти Николас Мадуро учинчи давлатлар ёрдамида четлатилса, мамлакатда партизанлик уруши авж олиши мумкин.

Тайёрлаган Шуҳрат Раҳимов

#Бразилия #Венесуэла

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди