Ўғирлик содир этган аёллар қўлга олинди

Жорий йилнинг 18 февраль куни Самарқанд вилоятининг Оқдарё туманида яшовчи Ж.А. ИИБга мурожаат қилган, деб хабар бермоқда Ўзбекистон Республикаси ИИВ Жамоатчилик ва ОАВ билан алоқалар бошқармаси.

У шу йил 15 февраль куни соат 9.00 дан 13.00 гача бўлган вақт оралиғида номаълум шахс уйига кириб, у ердан 1 500 АҚШ доллари, 922 минг сўм пули ва умумий қиймати 10 млн. сўмлик турли хилдаги заргарлик буюмларини ўғирлаб кетганлигини маълум қилган. Ҳолат юзасидан жиноят иши қўзғатилган.

Кўрилган чоралар натижасида ушбу жиноятни Наманган шаҳар Машраб кўчасида яшовчи 33 ёшли И.А. ва 3-Гулистон кўчасида яшовчи 35 ёшли Ф.Қ. исмли аёллар содир этганликлари аниқланиб, ушланган. Тергов давом этмоқда.