O‘g‘irlik sodir etgan ayollar qo‘lga olindi

Joriy yilning 18 fevral kuni Samarqand viloyatining Oqdaryo tumanida yashovchi J.A. IIBga murojaat qilgan, deb xabar bermoqda O‘zbekiston Respublikasi IIV Jamoatchilik va OAV bilan aloqalar boshqarmasi.

U shu yil 15 fevral kuni soat 9.00 dan 13.00 gacha bo‘lgan vaqt oralig‘ida noma'lum shaxs uyiga kirib, u yerdan 1 500 AQSh dollari, 922 ming so‘m puli va umumiy qiymati 10 mln. so‘mlik turli xildagi zargarlik buyumlarini o‘g‘irlab ketganligini ma'lum qilgan. Holat yuzasidan jinoyat ishi qo‘zg‘atilgan.

Ko‘rilgan choralar natijasida ushbu jinoyatni Namangan shahar Mashrab ko‘chasida yashovchi 33 yoshli I.A. va 3-Guliston ko‘chasida yashovchi 35 yoshli F.Q. ismli ayollar sodir etganliklari aniqlanib, ushlangan. Tergov davom etmoqda.