«Ласетти» юкхонасидан 48 000 000 сўм пулни ўғирлаб кетишди

2019 йил 26 апрель куни 2 номаълум шахс Тошкент шаҳрининг Мирзо Улуғбек тумани С.Азимов кўчасида эшиклари очиқ ҳолда қаровсиз қолдирилган, фуқаро Ф.Ф. бошқарувидаги “Ласетти” русумли автомашина юкхонасидан 48 000 000 сўм пулини ўғирлаб кетган.

Ўзбекистон Республикаси ИИВ Жамоатчилик ва ОАВ билан алоқалар бошқармаси хабарида айтилишича, кўрилган чоралар натижасида ушбу жиноятни Юнусобод тумани Ниёзбек кўчасида яшовчи И.А. ва О.Зокиров кўчасида яшовчи Т.У. содир этганликлари аниқланиб, ушланганлар. 

Ҳолат юзасидан жиноят иши қўзғатилиб, тергов ҳаракатлари олиб борилмоқда.