Тошкентда 2та автобус тўқнашди. Улардан бири икки нафар пиёдани босиб кетди

Тошкент шаҳридаги «Чинни бозор» яқинида иккита йўловчи автобуси тўқнашиб кетди. Бу ҳақда Kun.uz’нинг пойтахт ИИББдаги манбаси хабар бермоқда.

Қайд этилишича, 147-сонли йўналишдаги «Мерседес-Бенц» автобуси ҳамда 31-сонли йўналишдаги «Исузу» автобуси ўзаро йўл-транспорт ҳодисаси қайд этган.

Шундан сўнг, «Мерседес-Бенц» автобуси икки нафар пиёдани босиб кетган. 

Манба хабарига кўра, икки нафар пиёда - қиз ва аёл воқеа жойида ҳалок бўлган.

Ҳозирда ушбу хабар юзасидан қўшимча тафсилотлар аниқлаштирилмоқда.