JV MAN Auto-Uzbekistan компанияси Афғонистонга биринчи экспортни амалга оширди. Бу ҳақда “Ўзавтосаноат” хабар бермоқда.
Харидлар бўйича миллий идора Кобул ҳокимлигига MAN CLA автосамосвали ва MAN CLA сув ташувчи автоцистерналарни топширди ва техникалар аллақачон тўлиқ қувват билан муваффақиятли ишлатилмоқда.
Бугунги кунда JV MAN Auto-Uzbekistan МЧЖ ҚК Қозоғистон, Тожикистон, Грузия, Озарбойжон, Украинага техника экспорт қилмоқда. Компания амалий муносабатларни ривожлантиришда ва етказиб бериладиган маҳсулот ассортиментини кенгайтиришда давом этади.
JV MAN Auto-Uzbekistan” МЧЖ ҚК ҳозирда Ўзбекистон автомобиль тармоғининг энг устувор лойиҳаларидан бири саналади. Компаниянинг асосий йўналиши Ўзбекистон ва қўшни Марказий Осиё мамлакатлари бозорлари учун MAN тижорий юк машиналарини ишлаб чиқариш ва сотишдан иборат.
