«Келес» канали / Фото: Wikipedia
«Келес» каналида чўкаётган қозоғистонлик аёлни ўзбекистонлик чегарачи қутқаргани хабар қилинмоқда. 33 ёшли аёлга тиббий ёрдам кўрсатилган, энди унинг ҳаётига ҳеч қандай хавф йўқ.
Воқеа 4 май куни содир бўлган. 33 ёшли Айнар Аскарова «Келес» каналига тушиб кетганида ДХХ чегара қўшинлари хизматчиси ва Javlon Terminal Group компанияси ходими биргаликда аёлни қутқариб қолганлар.
Қайд этилишича, кейинчалик аёлга тиббий ёрдам кўрсатишда қозоғистонлик чегарачилар ҳам иштирок этганлар.
