2019 йилнинг 13-16 май кунлари Бишкек шаҳрида Ўзбекистон-Қирғизистон Давлат чегараси делимитацияси масалалари бўйича Ўзбекистон Республикаси ва Қирғизистон Республикаси ҳукуматлари делегациялари ишчи гуруҳларининг навбатдаги учрашуви бўлиб ўтди.
Мулоқот чоғида Ўзбекистон-Қирғизистон Давлат чегарасининг қолган участкаларини тавсифлаш бўйича таклифлар муҳокама қилинди, дейилади ТИВ хабарида.
Учрашувда давлатлараро чегаранинг айрим участкаларида қўшма дала ишларини ўтказиш бўйича келишувга эришилган.
Музокаралар якунларига кўра Ўзбекистон Республикаси ва Қирғизистон Республикаси делегациялари раҳбарлари Тўлқин Абдуллаев ва Канибек Ботобаев тегишли протоколни имзоладилар.
Навбатдаги учрашувни Ўзбекистон ҳудудида ўтказиш режалаштирилди, дейилади маълумотда.
