Қўшимча функционаллар
-
Тунги кўриниш
ФИФА Қатардаги жаҳон чемпионатида иштирокчилар сони оширилмаслигини эълон қилди
Фото: Getty Images
ФИФА Қатарда 2022 йилда ўтадиган футбол бўйича жаҳон чемпионатида аввалгидек 32 терма жамоа иштирок этишини эълон қилди. Яъни, аввал тахмин қилинганидек, қатнашувчи терма жамоалар сони 48тага етказилмайдиган бўлди.
Бунга сабаб — Қатарнинг бирорта қўшниси турнир ўйинларини ўзида қабул қилиш имкониятига эга эмаслигидир. Қатарнинг ўзи стадионларга бўлган талаблар пасайтирилсагина кенгайтирилган турнирни қабул қилишини билдирган эди. Яъни турнир ФИФА томонидан тасдиқланган 8та стадиондагина эмас, агар ФИФА стадионларнинг сиғимига бўлган талабни 20.000 гача камайтирадиган бўлса, яна тўртта янги стадионда ўтказиш масаласи кўриб чиқилаётган эди.
Лекин ФИФА мезонларни ўзгартирмади, бинобарин Жаҳон кубоги қатнашчилари таркиби кенгайтирилмайдиган бўлди ва 5 июнь куни бўлиб ўтадиган ФИФАнинг навбатдаги конгрессида ҳеч қандай таклиф кўриб чиқилмайди.
Шу билан биргаликда, Инфантино 2026 йилда иштирокчилар сони 48та бўлишини таъкидлаган.
Жаҳон чемпионатида 1998 йилдан буён 32 терма жамоа иштирок этиб келмоқда, унгача иштирокчилар сони 24та бўлган.
Мавзуга оид
21:16 / 18.12.2025
Саудия Арабистони ЖЧ-2034 бюджетини қисқартиради
21:08 / 17.12.2025
ФИФА Ўзбекистон миллий жамоасига камида 10,5 млн доллар тўлайди
16:11 / 17.12.2025
Норозиликлардан кейин ЖЧ учун 60 долларлик чипталар чиқарилади
22:55 / 16.12.2025