Афғонистон бош вазирининг маслаҳатчиси отиб ўлдирилди

Фото: AP / Rahmat Gul

Афғонистон бош вазирининг маслаҳатчиси Нур Муҳаммад Араб Қундуз шаҳрида отиб ўлдирилди. Бу ҳақда маҳаллий амалдорларга таяниб Ariana News телеканали хабар берди.

Телеканалнинг маълум қилишича, якшанба куни бир гуруҳ қуролланган номаълум шахслар Нур Муҳаммад Арабга ҳужум қилишган.

Отишма чоғида унинг тансоқчиларидан бири жароҳатланган.

Воқеага оид бошқа тафсилотлар келтирилмаган.