Истеъмолчилар ҳуқуқларини бузган банклар энди жиддий жаримага тортилади

Марказий банк томонидан банк қонунчилиги ва банк фаолиятини тартибга солувчи меъёрий ҳужжатларни бузганликлари учун тижорат банкларига нисбатан қўлланиладиган чора ва санкциялар тўғрисидаги низом янги боб билан тўлдирилди. Тузатишлар 3 ойдан кейин кучга киради, деб ёзмоқда Norma.
 
Ҳужжатга банк хизматлари истеъмолчилари ҳуқуқларини бузганлик учун санкцияни киритдилар. Бу ҳолда жарима миқдорлари қуйидагиларга нисбатан:
 
• тижорат банкига - банк устав капиталининг белгиланган энг кам миқдорининг 0,1%игача миқдорини (амалдаги қийматда 100 млн сўмни ташкил қилади);
 
• микрокредит ташкилотига - микрокредит ташкилоти устав фондининг белгиланган энг кам миқдорининг 0,1%и миқдорини (амалдаги қийматда 2 млн сўмни ташкил қилади);
 
• ломбардга - ЭКИҲнинг 10 баравари миқдорини ташкил этади (амалдаги қийматда 2 027 300 сўмни ташкил қилади).
 
Ҳужжат 25.08.2019 йилдан кучга киради.