Қўқонда танишининг бошига отвёртка билан урган шахс қўлга олинди

2019 йил 21 май куни Фарғона вилоятининг Қўқон шаҳар А.Навоий даҳасида яшовчи 21 ёшли И.Д. таниши, А.Тўқай кўчасида яшовчи 23 ёшли С.К.нинг уйи олдида ўзаро жанжал туфайли уни бошига отвёртка билан уриб жароҳат етказган.

Ўзбекистон Республикаси ИИВ Жамоатчилик ва ОАВ билан алоқалар бошқармаси хабарига кўра, натижада С.К. касалхонага ётқизилган. И.Д. ушланган. 

Ҳолат юзасидан жиноят иши қўзғатилиб, тергов ҳаракатлари олиб борилмоқда.