Россия беш йил давомида Тожикистонга 122 миллион долларлик қурол берди

Фото: Sputnik /Искандар Аминов

Россия беш йил давомида Тожикистон қуролли кучларига 122 миллион долларлик қурол ва ҳарбий техника берди. Бу ҳақда ҳарбий хавфсизлик ва қуролланиш устидан назорат масалалари бўйича Венада бўлиб ўтаётган музокараларда Россия делегацияси раҳбари вазифасини бажарувчи Андрей Воробьёв маълум қилди.

"2014 йилдан буён Тожикистон қуролли кучларини модернизация қилиш дастурининг биринчи босқичи амалга оширилмоқда. Россия томони вертолёт техникаси, зирҳли техника, артиллерия, ўқотар қуроллар ва ўқ-дорилар етказиб беради. Шу кунгача 122 миллион долларлик қурол-аслаҳа етказиб берилди", - деди Воробьёв ЕХҲТ форуми йиғилишида.

Бундан ташқари, Россия мудофаа вазирлиги олий ўқув юртларида 500дан ортиқ тожик ҳарбий хизматчилари таҳсил олмоқда.

Тожикистон Россия ва Афғонистон ўртасидаги буфер ҳудуднинг муҳим мамлакатларидан бири сифатида кўрилмоқда.