Хитойликлар Жиззахда автомобиль заводи қуриши мумкин

Фото: REUTERS/Stringer

Жиззах вилояти ҳокимлигига Хитой Халқ Республикасининг CHANGAN AUTO COMPANY делегацияси вакиллари ташриф буюрди.

Вилоят ҳокимлиги Ахборот хизмати хабарига кўра, CHANGAN AUTO COMPANY делегацияси вакилларини вилоят ҳокими Эргаш Солиев, вилоят ҳоким ўринбосари Азим Аҳмедхўжаев ҳамда шаҳар ҳокимлиги вакиллари билан учрашуви ўтказилди.

Учрашув давомида Хитой Халқ Республикасининг компанияси Жиззах шаҳрида автомобиль заводи қуриш истиқболлари хусусида муҳокама ўтказди, дейилади хабарда.

Бундан олдин, Ўзбекистон ва Германия ўртасида Volkswagen компанияси билан ҳамкорликда тижорат автомобиллари ишлаб чиқариш тўғрисида ҳужжат имзоланганди.