Давлат нотариал идораларини молиялаштириш тартибига тузатишлар киритилди
Давлат нотариал идоралари ва нотариал архивлар фаолиятини молиялаштириш тартиби тўғрисидаги низомга тузатишлар киритилди, деб ёзмоқда Norma.
Биринчидан, нотариал идоралар томонидан ҳуқуқий ва техник тусдаги қўшимча ҳаракатлар кўрсатилганлиги учун тушумлар нотариал идоралар ва нотариал архивлар фаолиятини яхшилашга йўналтирилган семинарлар, конференциялар ва бошқа тадбирларни ўтказишга сарфланиши мумкин.
Иккинчидан, нотариал идоралар ва идоравий нотариал архивлар ходимларининг лавозим маошларига ҳар ойлик шахсий устамалар белгилаш учун ягона мезон қолди – иш стажи. Бунда у анча пасайтирилди: энди устама олиш учун 3 ойдан кам бўлмаган (илгари – 1 йилдан кам бўлмаган) муддат ишлаб бериш кифоя. Бошқа барча асослар чиқариб ташланди (нотариуслар учун - илмий даража, фахрий унвонлар ва давлат мукофотлари, нотариат институтини такомиллаштириш бўйича таклифлар ишлаб чиқишда қатнашиш; бошқа ходимлар учун – олий маълумотга эгалиги).
Учинчидан, ходим ёки унинг яқин қариндошлари (ота-онаси, эри (хотини), боласи) вафот этганда битта ходимга бир йилда тўланадиган моддий ёрдамнинг миқдорига (ЭКИҲнинг 10 бараваридан ошмаган миқдорда) чеклов қўлланмаслиги белгиланган.
Ҳужжат 31.05.2019 йилдан кучга кирди.
Мавзуга оид
13:37 / 06.09.2024
“Рақобат тўғрисида”ги қонунга ўзгартириш киритилди
12:09 / 25.08.2024
Олтин қимматлашди, Bitcoin нархи ҳам ошди – халқаро молия бозори шарҳи
11:36 / 04.08.2024
Bitcoin ва доллар арзонлашди, олтин қимматлашди – халқаро молия бозори шарҳи
09:05 / 31.07.2024