Май ойида нархлар ўртача неча фоизга ошгани маълум қилинди
2019 йилнинг май ойида товарлар ва хизматларнинг истеъмол нархлари ўртача 0,7%га кўтарилди. Бу ҳақда Давлат статистика қўмитаси хабар бермоқда.
Умумий ҳисобда 2019 йилнинг январь-май ойлари давомида истеъмол бозоридаги товарлар ва хизматлар нархлари 6,0%га қимматлашди. 2018 йилнинг май ойига нисбатан республика истеъмол секторидаги ўртача нархлар даражаси 13,7%га ошди.
Ойлик нархлар тебраниши таҳлилига кўра, умумий ҳисобда 2019 йилнинг январь-май ойларида истеъмол нархлари кўтарилиш 6,0%ни ташкил этиб, уларнинг ўсиш суръатларида нисбатан секинлашув қайд этилган. Жорий йилнинг биринчи чорагида нархларнинг ойлик ўсиш суръати бир фоизлик кўрсаткичдан 0,2-0,6 даражада юқорироқ ошган бўлса (январда 1,5 %, февралда 1,6 %, март ойида 1,2 %), апрель ва май ойларида ушбу кўрсаткичдан пастроқни ташкил этган (апрелда 0,9 %, май ойида 0,7 %).
2018 йил ва 2019 йилнинг январь-май ойлари учун умумий истеъмол нархлари индекси динамикасининг йиллик кўриниши (ўтган йилнинг мос ойига нисбатан) умумий тенденциянинг босқичма-босқич пасайиши билан тавсифланади. Шундай қилиб, энг юқори кўрсаткич 2018 йилнинг январь ойида қайд этилган бўлса, кейинчалик 2019 йилнинг май ойида 13,7 % даражагача пасайган. Истеъмол нархлари индекси кўрсаткичининг минимал даражага етганлиги 2019 йилнинг январида кузатилиб (13,0 %), йиллик истеъмол нархлари индекси аста-секин кўтарила бошлади.
2019 йилнинг май ойи натижаларига кўра йирик гуруҳлар бўйича нарх ўзгаришлари товарларда 0,6 %, жумладан, озиқ-овқат маҳсулотлари 0,5 %, ноозиқ-овқат маҳсулотлари 0,7 %, хизматлар эса 1,5 %га қимматлашди.
Мавзуга оид
11:06 / 29.09.2024
2024 йил 8 ойда Ўзбекистон ташқи савдосидаги етакчи давлатлар маълум қилинди
23:05 / 27.09.2024
Кувайт, Сингапур ва Норвегия дунёдаги энг хавфсиз давлатлар қаторига кирди
09:24 / 27.09.2024
Ўтган 8 ойда Ўзбекистонга кунига 10 минг донадан ошиқ телефон олиб кирилгани маълум қилинди
08:10 / 20.09.2024