Тошкентда кучли ёмғир: Иккита самолёт ўз йўналишини Самарқандга ўзгартирди

Фото: AviaSpotter

Тошкент шаҳрида кузатилаётган кучли ёғингарчилик туфайли пойтахтга парвоз қилаётган иккита самолёт Самарқандга йўл олди. Бу ҳақда AviaSpotter телеграм канали хабар бермоқда.

Хусусан, Нур-Султондан Тошкентга учиб келаётган, UZBEKISTAN airways’нинг Airbus A320-214 самолёти ноқулай об-ҳаво туфайли Самарқанддаги аэродромга ўз йўналишини ўзгартирди.

Бундан ташқари, UZBEKISTAN airways’нинг Москва - Тошкент рейсидаги Boeing 787-8 Dreamliner самолёти ҳам пойтахтдаги ноқулай об-ҳаво ва кучли ёғингарчилик туфайли Самарқандга йўл олди.

Ундан аввал UZBEKISTAN airways’нинг Дубай - Тошкент йўналишидаги Airbus A320 neo самолёти об-ҳаво шароитлари туфайли пойтахт аэропортига биринчи уринишда қўна олмаганди.