Японияда меваси дунёда энг катта бўлган олча нави олинди

Япониялик селекционерлар меваси дунёда энг катта бўлган янги навдаги олчани олишди. Олчанинг ўлчами диаметрида 3 сантиметргача етади. 

“Ямагатанинг қизил қироли” деб ном олган нав Ямагата префектурасида етиштирилган. Таъкидланишича, бу навни яратишдан мақсад катта ўлчамдаги олча мевасини олишдан иборат бўлган, чунки Японияда айнан шундай катта ўлчамли олчалар оммалашган.

Янги олчанинг тахминан уч йилдан кейин хорижга, жумладан Хитой ва Жанубий Кореяга экспорт қилиниши кутилмоқда.