Британия бош вазири лавозимига 10 номзод кураш олиб борадиган бўлди

Британиянинг Консерваторлар партияси етакчиси ва бош вазир лавозимларига 10 номзод кураш олиб боради, бу ҳақда партиянинг бошқарув қўмитаси 10 июнь куни эълон қилди.

Номзодлар рўйхатида собиқ ташқи ишлар вазири Борис Жонсон, табиий захиралар вазири Майкл Гоув, қуйи палата собиқ раҳбари Андреа Лидс, амалдаги ташқи ишлар вазири Жереми Хант, Brexit масалалари бўйича собиқ вазир Доминик Рааб, халқаро тараққиёт вазири Рори Стюарт, ички ишлар вазири Сажид Жавид, соғлиқни сақлаш вазири Мэттью Хэнкок, меҳнат ва нафақа вазири Эстер Макви ва молия вазирлигининг қуйи палатадаги вакили Марк Харпер исмлари қайд этилган.

Букмекерлар ва сиёсатшуносларнинг фикрича, пойга етакчилари Жонсон, Хант, Рааб ва Гоув ҳисобланади.

Сайловлар жараёни июль ойининг ярмида тугаши кутилмоқда. Янги бош вазир сайлангунга қадар 7 июнда партия етакчиси ваколатларини расман топширган Тереза Мэй ушбу лавозимни эгаллаб туради.