Фото: Kamil Zihnooglu / EPA/TASS
Microsoft асосчиси Билл Гейтс Google’га Android операцион тизимига эга бўлишга имкон бериш компаниянинг энг катта хатоси бўлганини айтди, деб ёзади The Independent.
«Энг катта хатоим – Microsoft’ни Android каби бўлолмасликка олиб келган менинг нўноқ раҳбарлигим. Android ҳозирда универсал платформа ҳисобланади», деди Гейтс.
Гейтснинг айтишича, iOS тизимининг муқобилини ярата олганида Microsoft «ғолибга айланиши мумкин эди».
Гейтс Microsoft ҳали ҳам кучли компания эканлигини, агарда ўша хатога йўл қўймаганида «етакчи» компания бўлиши мумкинлигини айтди.
Google Android’ни 2005 йилда 50 млн долларга олган.
