АҚШ Мадурони жавобгарликка тортиш ниятида эмаслигини билдирди

Фото: РИА Новости / Сергей Гунеев

Америка маъмурияти Венесуэла президенти Николас Мадурони жавобгарликка тортиш ёки судга бериш ниятида эмас. Бу ҳақда АҚШнинг Венесуэла бўйича махсус вакили Эллиотт Абрамс маълум қилди.

"Қўшма Штатлар Николас Мадурони жавобгарликка тортишга уринмаяпти. Биз унга муҳим ҳисса қўшишга қодирлигини, яъни мамлакатга олдинга силжишга, четга чиқиб, мамлакатнинг демократияга қайтиши, ўз иқтисодиётини тиклашга имкон бериши мумкинлигини билдиришга уриняпмиз", деди у.

Абрамс шу билан бирга, Вашингтон Каракасда вақтинчалик ҳукумат тузиладиган бўлса, Мадуро унинг таркибида бўлишини истамаслигини айтди.

Тайёрлаган Дилшод Аскаров

#АҚШ #Николас Мадуро

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди