Ҳонгконгда намойишчилар полиция штаб-квартирасини қуршаб олишди

Фото: Александр Зюзин/ТАСС

Ҳонгконгда мингга яқин намойишчилар Ван Чай районидаги маҳаллий полиция штаб-квартирасини қуршаб олишди. Бу ҳақда RTHK телерадиокорпорацияси хабар берди.

Хабарда айтилишича, норозилик намойиши ҳозирча тинч ўтмоқда. Унинг иштирокчилари ҳибсга олинганларни озод қилишни талаб қилишмоқда.

Аввалроқ кун давомида бир неча юз фаоллар “Катта йигирматалик” мамлакатлари бош консулхоналари олдида юриш ўтказишганди. Улар оммавий намойишлар бўлиб ўтган Ҳонгконгдаги инқирозга эътиборни тортиш учун хорижлик дипломатларга петицияларини топширишди.