НАТО Европада янги ядровий ракеталарни жойлаштирмасликка қарор қилди

Фото: РИА Новости

НАТО мамлакатлари Европада ядровий ракеталар жойлаштирилмайди деган қарорга келишди, деб маълум қилди альянс бош котиби Йенс Столтенберг.

"Вазирлар Европада янги ерусти ядровий ракеталарини жойлаштириш нияти йўқлигини тасдиқлашди", - деди Столтенберг.

Жорий йил бошида Вашингтон ўрта ва кичик масофаларга мўлжалланган ракеталарни йўқ қилиш тўғрисидаги шартномадан чиқишини эълон қилди. Россия президенти Владимир Путин 2 февралда Россия ҳам шартномадаги иштирокини тўхтатишини маълум қилди.

Россия ташқи ишлар вазири ўринбосари Сергей Рябков агарда Вашингтон шартномага қайтса, Россия ҳам шундай қилишини билдирди.