«Ўзбекнефтгаз» Қорақалпоғистонда улкан газ захираси бўлиши мумкинлигини истисно қилмади

Қорақалпоғистондаги Устюрт нефть-газ ҳудудида улкан газ захираси бўлиши мумкин, деди «Ўзбекнефтгаз» бошқаруви раиси Баҳодир Сиддиқов.

Унинг сўзларига кўра, бу ерда сўнгги икки йилда учта янги кон очилган.  

«Куни кеча «Арслон-12» қудуғида газ пайдо бўлди. Учта коннинг барчаси яхлит эканлиги эҳтимоли жуда катта. Кеча газ чиққан «Арслон-12» айнан Арслон ва Жанубий Сурғил конлари ўртасида жойлашган», – деди Сиддиқов. 

Бу эса ушбу ҳудудда «улкан газ кони жойлашган» дейишга асос бўлади.