Ҳиндистонда девор қулаб тушиши оқибатида 15 киши ҳалок бўлди

Фото: NewsX

Ҳиндистоннинг Махараштра штатидаги Пуна шаҳрида қурувчилар баракларини ўраб турувчи баландлиги 23 метрли девор қулаши оқибатида 15 киши ҳалок бўлди. Бу ҳақда NDTV телеканали хабар берди.

Хабарда айтилишича, девор ишчилар яшайдиган бир нечта барак устига қулаган. Ҳодисага кучли муссон ёмғирлари сабаб бўлганлиги айтилмоқда.

Жабрланганлар касалхонага етказилган.

Қидирув-қутқарув ишлари давом этмоқда. Қутқарувчилар вайроналар остида одамлар қолиб кетган бўлиши мумкинлигини айтишмоқда.