Исроил ҳарбийлари Фаластин вазирини ҳибсга олди

Фото: Twitter

Исроил ҳарбийлари Фаластиннинг Қуддус ишлари бўйича вазири Фади Хадмини ҳибсга олди, деб хабар берди ВАФА агентлиги.

Агентликнинг хабарига кўра, исроиллик ҳарбийлар вазирнинг Қуддусдаги уйига бостириб киришган, унинг мобил телефонларини олиб қўйишган ва ўзини ҳибсга олишган.

Агентликнинг қайд этишича, Фаластиннинг Қуддус ишлари бўйича собиқ вазири Аднан ал-Ҳусайний ҳам илгари бир неча марта ҳибсга олинган.

Хабарда айтилишича, Исроил шунингдек, Шарқий Қуддуснинг фаластинлик губернатори Аднан Ғайтнинг шаҳардан чиқишига тўсқинлик қилмоқда.