АҚШ вакиллар палатаси Трампнинг Эронга қарши уруш бошлаш ҳуқуқини чеклади

АҚШ вакиллар палатаси мудофаа бюджетига тузатиш киритди, бундан мақсад – АҚШ президентининг Эронга қарши ҳарбий ҳаракатлар бошлашига халақит бериш, деб ёзади The Hill.

Тузатишни маъқуллаб 251 нафар палата аъзоси овоз берган, унга қарши эса 170 та овоз берилган.

Тузатишга кўра, конгресс уруш эълон қилмагунича ёки қонунчилик даражасида рухсат бермагунича АҚШнинг Эронга қарши ҳарбий ҳаракатларини молиялаштириш тақиқланади.

«Бу Америка халқи, демократлар ҳам, республикачилар ҳам Яқин Шарқда янги урушни истамаётганлигини президентга эслатиб қўйишдир», — деди демократ Ро Ханн.