BMW’га янги раҳбар тайинланди

Фото: EPA/UPG

BMW немис автоконцерни директорлар кенгашига янги раис тайинланганини маълум қилди. Ушбу лавозимни Оливер Циспе эгаллайди. У ўз мажбуриятларини бажаришга 16 августдан киришади.

Циспе 2015 йилдан компания директорлар кенгаши таркибига кирган ва айни вақтда ишлаб чиқариш бўлинмасига жавоб беради.

Таъкидланишича, у компанияда 1991 йилдан ишлаб келади ва бу давр ичида бир қатор раҳбарлик лавозимларини эгаллаган.

Июль бошида BMW раҳбари Харальд Крюгер ўз шартномасини узайтирмоқчи эмаслигини маълум қилган.

ОАВ маълумотларига кўра, Крюгернинг истеъфоси BMW 2016 йилда премиал автомобилларнинг энг яхши ишлаб чиқарувчиси мақомини йўқотиб, уни Mercedes-Bens’га бой бергани билан боғланган.

Тайёрлаган: Шуҳрат Раҳимов

#BMW #Оливер Циспе