Фото: wz.lviv.ua
2019 йил январь-июнь ойларида Ўзбекистонда қурилиш материаллари импорти ҳажми 627 млн долларни ташкил қилди ва 2018 йилнинг шу даврига нисбатан 15,6 фоизга ошди. Бу ҳақда Ўзбекистон Давлат статистика қўмитаси матбуот хизмати маълум қилди.
Қурилиш материаллари импорти улуши умумий импорт ҳажмида 5,6 фоизга етган. Қурилиш материаллари импорти таркибида асосий улушни ёғоч ва ундан тайёрланган маҳсулотлар (45,7фоиз), цемент (14 фоиз), ойна ва ойна маҳсулотлари (4,5 фоиз) ҳамда асбест (2,2 фоиз) эгаллаган.
“Қурилиш материаллари импорти ўсиши республикада амалга оширилаётган катта кўламли қурилиш ва реконструкция ишлари билан боғланган”, деб маълум қилинган хабарда.
