Трамп АҚШ миллий разведка бошлиғини ўзгартиришга қарор қилди

АҚШ президенти Дональд Трамп республикачилардан Вакиллар палатаси вакили Жон Рэдклифни Миллий разведка директори лавозимига илгари суради. Бу ҳақда Трамп Twitter саҳифасида эълон қилди.

«Техас штатидан ҳурматли Жон Рэдклиф мен томонимдан Миллий разведка директорлигига илгари сурилади. АҚШнинг собиқ прокурори Жон (Рэдклифф) раҳбар  бўлади ва ўзи севувчи мамлакатни илҳомлантиради», - деб ёзган Оқ уй раҳбари. 

Миллий разведканинг ҳозирги раҳбари Дэн Коутс 15 августда ўз лавозимини тарк этади, дея қўшимча қилган Трамп.

Аввалроқ, Трамп Коутсни лавозимидан озод этишни режалаштираётгани ҳақида ОАВда хабарлар пайдо бўлганди. Таъкидланишича, Коутс икки йиллик фаолияти давомида мамлакатнинг муҳим хавфсизлик масалалари борасида Трамп билан бир неча бор тортишиб қолган.