«Арсенал» ўз тарихидаги энг қиммат харидни эълон қилди

«Лилль» ҳужумчиси Николя Пепе «Арсенал»га ўтди. «Қуролсозлар» 24 ёшли ивуарлик билан узоқ муддатли шартнома имзолади.

Футболчи 19-рақам остида тўп тепадиган бўлди.

Пепе трансфери учун «Арсенал» 80 миллион евро тўлади. Натижада у лондонликлар тарихидаги энг қиммат харидга айланди.

Ўтган мавсумда Пепе «Лилль» таркибида барча мусобақаларда 41та ўйинда майдонга тушиб, 23та гол урган ва 12та голга ҳаммуаллифлик қилган.

Кот-д’Ивуар миллий жамоаси таркибида 8та ўйинда 3 марта рақиб дарвозасини ишғол этган.