Уй олиб бераман деб пулларни ўзлаштирган фирибгар қўлга олинди

Фото: Фото: Сергей Михеев/РГ

2019 йил 10 июль куни Бухоро шаҳри А.Жомий кўчасида яшовчи 51 ёшли О.Ҳ. исмли аёл ИИБга мурожаат қилган, деб хабар бермоқда Ўзбекистон Республикаси ИИВ Жамоатчилик ва ОАВ билан алоқалар бошқармаси.

У Когон туманида яшовчи 35 ёшли Б.Ш. ўзига уй олиб беришликни ваъда қилиб, 2015 йил май-октябрь ойларида бўлиб-бўлиб, жами 65000 АҚШ доллари ва тилла тақинчоқларини фирибгарлик йўли билан олиб, О.Ҳ.га Бухоро шаҳар Т.Фароғий кўчаси 73-уй 66-хонадоннинг кадастр йиғма жилдига тикилган гувоҳномасини қалбакилаштириб, унга берганлигини маълум қилган.

Ҳолат юзасидан жиноят иши қўзғатилиб, Б.Ш. ушланган. Тергов ҳаракатлари олиб борилмоқда.