Ироқда “йилнинг энг яхши махсус жангчиси” ҳалок бўлди

Фото: AP

АҚШ денгиз пиёда қўшинлари корпуси ҳарбийси Скотт Коппенхафер Ироқда ҳалок бўлди. Бу ҳақда Marine Corps Times нашри хабар берди.

35 ёшли комендор-сержант 10 августда “Саботли қатъият” операцияси доирасида топшириқни бажариш вақтида ИШИД жангариси ўқидан ҳалок бўлган.

Коппенхафер махсус топшириқларни бажарувчи нуфузли отрядга ўтказилгунга қадар пулемётчи ва снайпер бўлиб хизмат қилган. У 2018 йилда Ироқ шимолида ИШИДнинг тор-мор қилинишида кўмак кўрсатган ироқлик махсус кучларни бошқаргани учун “Денгиз пиёда қўшинларининг энг яхши махсус жангчиси” (USMC Critical Skills Operator) деб топилган.

7 августда Пентагон Дональд Трамп томонидан тор-мор қилингани эълон қилинган ИШИДнинг Сурия ва Ироқда яна таъсири кучаяётганини расман тан олган.

Тайёрлаган: Шуҳрат Раҳимов

#Ироқ #махсус жангчи