Хитой армияси Тибетда Ҳиндистон билан чегарада танк ҳужуми учун дронлар қўллаган ҳолда катта кўламли машғулотлар ўтказди.
Машғулотларнинг ўзига хос жиҳати полигоннинг жойлашуви (4500 метр баландликда) ва зирҳли техника ҳаракатларининг камикадзе-дронлар тўдаси билан қўллаб-қувватланиши бўлган. Машғулотларда энг янги ZTZ-99A танклари ва модернизацияланган ZBD-04A жанговар машиналари қўлланган.
Нишонлар сифатида 1950-йилларнинг ҳисобдан чиқарилган Тип 59 танклари қўлланган.
Ҳужум PLZ-07 артиллерия қурилмаларининг ўт очиши билан қўллаб-қувватланган. Разведкани дрон олиб борган.
Машғулотларда ёппасига ўт очиш реактив тизимлари, жумладан БМ-21 “Град”нинг Хитой томонидан такомиллаштирилган варианти ҳам қўлланган.
