Бирлашган Араб Амирликлари коалициясининг ҳарбий-ҳаво кучлари Яман ҳукумат кучларининг жанубдаги позицияларига зарба берди.
Al Mayadeen телеканалининг хабар беришича, авиация Яманнинг Адан ва Зинжибар шаҳарларига камида 13 та зарба берган.
Ҳужум оқибатида камида 40 киши, жумладан тинч аҳоли вакиллари ва ҳукумат кучларини қўллаб-қувватловчи жангчилар ҳалок бўлган.
Яман ташқи ишлар вазирлиги кўплаб жароҳат олганлар, жумладан улар орасида аёллар ва болалар борлигини маълум қилган.
Зарба ҳукумат кучлари Адан шаҳри устидан назоратни ўзларига қайтиб олган куннинг эртасига берилди.
