“Формула-1” автопойгаларининг 7 карра чемпиони Михаэль Шумахер яширин тарзда Париждаги Жорж Помпиду номидаги шифохонага етказилди. Бу ҳақда ТАСС ахборот агентлиги хабар берди.
Parisien нашрининг хабар беришича, 2013 йилда оғир мия жароҳати олган собиқ спортчи шифохонанинг юрак-томир жарроҳлиги бўлимига Швейцария давлат рақамларига эга тез ёрдам машинасида етказилган.
Унинг шифохона бўйлаб олиб юрилиши эҳтиёт чоралари билан кечган: пойгачи ташилган носилкалар унинг юзи ва танасини тўлиқ яширадиган ҳолда қора чойшаб билан ўралган бўлган. Унга 10 кишидан иборат гуруҳ ҳамроҳлик қилган.
Таъкидланишича, Шумахерга шифохонада асос ҳужайралар киритилади. Даволаш 10 сентябрь эрталаб бошланиши кутилмоқда.
Афсонавий пойгачи 2013 йил декабрда Франциянинг Мерибелида чанғи учиш вақтида йиқилиб, миясидан оғир жароҳат олган. 2018 йил декабрда ётоғлиқ бўлиб қолган собиқ пойгачи ўпкани сунъий шамоллатиш қурилмасига бошқа эҳтиёжманд эмаслиги маълум қилинган.
2019 йил февралда ОАВда пойгачи ва унинг оиласи Женевадаги вилласини тарк этиб, Мальоркага қишки таътилни ўтказгани ҳамда 3 январда Шумахернинг 50 ёшини нишонлагани жўнаб кетгани маълум қилинган.
