Намангандаги хонадонда газ портлади. Бир киши шифохонага олиб кетилди

2019 йилнинг 12 сентябрь куни соат 19:49 да ёнғин-қутқарув қисмига Наманган вилояти Учқўрғон тумани “Туркистон” МФЙ Парда Турсун кўчасида жойлашган кўп қаватли 3-уйнинг 3-қаватидаги 22-хонадонда ёнғин бўлаётганлиги ҳақида хабар келиб тушган.

Ўзбекистон Республикаси ФВВ ЁХББ ОАВ билан ҳамкорлик қилиш бўлинмаси маълумотига кўра, ёнғинга 2 та ёнғин ўчириш бўлинмаси жалб этилган. Воқеа жойига соат 19:51 да етиб борган ёнғин ўчирувчиларнинг тезкор ҳаракатлари натижасида ёнғин тезда бартараф этилган. Ёнғин оқибатида яшаш уйи балкон қисмининг 10 кв. метр майдонда ички жиҳозлари ёниб зарарланган. Ёнғиндан уйнинг 50 кв. метр майдони сақлаб қолинган.

Кўрсатилган манзилда газ ва ҳаво аралашмасининг чақнаши натижасида юзага келган ёнғинни ўчиришга уринган уй эгаси 1978 й.т. фуқаро Б.Н. куйиш тан жароҳати олиб, ёнғин ўчириш автоэкипажлари етиб боргунга қадар шифохонага олиб кетилганлиги маълум бўлган (аҳволи қониқарли). 

Ёнғиннинг тахминий сабаби - газ плитасидан сизиб чиққан табиий газ тўпланиб қолган хонадаги электр чироғини ёқилиши натижасида юзага келган чақнаш. Моддий зарар миқдори аниқланмоқда.