Қирғизистон миллий хавфсизлик қўмитасининг собиқ раҳбари қидирувга берилди

Фото: Қирғизистон президенти матбуот хизмати

Қирғизистон махсус хизмати собиқ раҳбари Бусурманкул Табалдиев халқаро қидирувга берилди. Бу ҳақда республика ички ишлар вазирлиги матбуот хизмати хабар берди.

У криминал авторитет Азиз Батукаевнинг ноқонуний озод этилиши билан боғлиқ жиноят ишида айбланмоқда. У билан бирга, мазкур жиноят ишида яна 19 киши, жумладан, республиканинг собиқ президенти Алмазбек Атамбоев ҳам айбланмоқда.

ИИВнинг маълумот беришича, 14 киши тергов билан ҳамкорлик қилишга рози бўлган. Жиноий иш материаллари бош прокуратурага жўнатилган.