Учтепадаги цехда ёнғин содир бўлди

2019 йилнинг 2 октябрь куни соат 02:35да Тошкент шаҳар, Учтепа тумани, Чўпонота МФЙ, Фозилтепа кўчаси 30-А-уйда жойлашган “Жасмин Косметик” МЧЖга қарашли цехда ёнғин содир бўлаётганлиги ҳақида ёнғин-қутқарув хизматига хабар келиб тушган.

Хабар асосида воқеа жойига тўртта ёнғин ўчириш бўлинмалари жалб этилган. Биринчи бўлинмалар чақирилган манзилга 5 дақиқада етиб борган. Ёнғин соат 02:40да ўраб олиниб, 02:54да бартараф этилган. Кўрилган тезкор ҳаракатлар натижасида ёнғиндан цехнинг 150 кв. метр майдони сақлаб қолинган. 

Тан жароҳати олганлар ва ҳалок бўлганлар қайд этилмаган. Ёнғин оқибатида цехнинг 80 кв.метр майдонда ички ва шифт қисми ёниб зарарланган. Ёнғиннинг тахминий сабаби, электр қозонини ёқилган ҳолда назоратсиз қолдирилиши. 

Моддий зарар миқдори аниқланмоқда, дейилади ФВВ ЁХББ ОАВ билан ҳамкорлик қилиш бўлинмаси маълумотида.