Намойиш қатнашчилари ўтган ҳафтада ушбу портга олиб борадиган йўлларни тўсиб қўйишган, натижада порт фаолияти тўхтаб қолганди.
Ироқ жанубидаги Умм-Қаср порти ҳудудида намойишчилар ва куч ишлатиш тизимлари ходимлари ўртасида юз берган тўқнашувларда камида 120 киши жароҳатланди. Бу ҳақда Al Sumaria телеканали хабар берди.
Намойиш қатнашчилари ўтган ҳафтада ушбу портга олиб борадиган йўлларни тўсиб қўйишган, натижада порт фаолияти тўхтаб қолганди.
Умм-Қаср Ироқ учун муҳим аҳамиятга эга бўлиб, импорт озиқ-овқат маҳсулотларининг сезиларли қисми шу порт орқали келтирилади.
Хабар қилинишича, мамлакат ИИВнинг тартибсизликларга қарши курашиш бўлинмаси намойишчиларни тарқатиш учун кўздан ёш оқизувчи газлар ҳамда ўқотар қуроллардан фойдаланган.
Ироқда октябрдан буён турмуш шароитларининг ёмонлиги, ишсизликнинг ўсиши ва коррупцияга қарши намойишлар давом этмоқда. Намойишчилар ҳукумат истеъфосини талаб қилмоқда.
