«ERIELL Group»: «UzKorGaz-Chemical» конидаги 60та қудуқ мукаммал таъмирланди

«ERIELL Group» компанияси томонидан «UzKorGaz-Chemical» конидаги 60 та қудуқни мукаммал таъмирлаш бўйича шартнома шартлари муваффақиятли бажарилди.

02.02.2017 йилда имзоланган №17Е-01 рақамли шартнома шартларига мувофиқ «ERIELL Group» компанияси Қорақолпоғистон Республикаси Мўйноқ тумани ҳудудидаги «Сурғил» конидаги 60 та қудуқни мукаммал таъмирлаш ишларини тўла-тўкис якунлади.

Хусусан 2017-2019 йиллар оралиғида компания томонидан қуйидаги тартибда қудуқлар таъмирланди:

• 2017 йилда умумий ҳисобда 38 объектда интервал бўйича иш олиб борилган ҳолда 26 қудуқ;
• 2018 йилда 22 қудуқ – 39 объект;
• 2019 йилда 12 қудуқ – 15 объект.

Тўла таъмирланган барча қудуқлар шай ҳолда «UzKorGaz-Chemical» компаниясига топширилди.

Шу тарзда «ERIELL Group» компания ўзининг барча шартномавий мажбуриятларини бажарди.

«ERIELL Group» компанияси Матбуот хизмати