Ироқда норозилик намойишлари сабабли интернет узиб қўйилди

Ироқда пойтахт Бағдод ва кўплаб бошқа ҳудудларда мамлакатда тартибсизликлар кучаяётгани сабабли интернет тўлиқ узилди. Бу ҳақда NetBlocks ноҳукумат ташкилоти сайтида маълум қилинди.

Таъкидланишича, Бағдод, Басра, Карбала ва бошқа шаҳарларнинг ўн миллионлаб аҳолиси интернетсиз қолган. Интернетнинг узилиши норозилик намойишлари бошлангандан кейин мамлакатдаги энг катта кўламлиси бўлди. 

1 октябрда Ироқда ёмон турмуш шароитлари, ишсизлик даражаси юқорилиги ва коррупцияга қарши намойишлар бошланганди. Бағдод ва бошқа шаҳарлар кўчаларига чиққан одамлар бош вазир Одил Абдул Маҳдий бошчилигидаги ҳукуматнинг истеъфога чиқишини талаб қилишган. Бир қатор жойларда, жумладан Бағдодда намойишлар оммавий тартибсизликлар ва куч тузилмалари билан тўқнашувларга айланиб кетган. 2 октябрда Бағдодда интернет тўлиқ тўсилган ва 11 октябрга келибгина тикланган. Al Sumaria телеканали интернетнинг ўчирилиши Ироққа деярли 1 млрд долларга айланганини маълум қилган.